梁佑嘉擘腿練舞「勾佬」

梁佑嘉在處女古裝劇中飾演妃子，為了在深宮中上位做王后，她不惜狂壓一字馬、擘腿及倒立拉筋練舞，誓要以婀娜舞姿勾引皇上，但代價是面部充血兼生紅點，險爆血管，這個王后認真唔易做！

富家女梁佑嘉（Abella）被指近年在無綫落足本錢買起黃金時段的宣傳廣告，但有傳她於上月的《勁歌金曲頒獎禮》慘食白果後，她一怒之下抽起超過七位數的廣告。對此，Abella說：「唔係冇獎就唔落廣告，兩件事唔可以畫上等號，不過好多嘢都唔係由自己決定。」

與王學圻演對手戲

她透露今年將會暫時放下音樂事業，並處女下海北上拍劇「掘人仔」，又爆劇組投資超過2億人民幣。她透露在新古裝劇中與內地一線演員王學圻及王姬大演對手戲：「我喺戲入面要跳中國舞，由妃子演到做王后，所以要喺皇上面前跳舞引誘吓。」

為了上位做「勁舞王后」，Abella練舞時不惜使出渾身解數，一字馬、瞓地擘腿、側手翻、拱橋等高難度動作樣樣出齊，雖然練得一身好舞姿，卻為她帶來「血光之災」：「做呢啲高難度動作時，面部充血，面上會爆微絲血管，加上我皮膚薄，搞到生晒紅色一點點，我好擔心老咗會爆血管！」她又指這次拍劇酬勞不錯，但需要八至十個月長留內地，有忠實粉絲甚至跟上北京陪開工：「我都好唔捨得佢哋，但跟上去太危險，最多送到機場啦！」