Hidy工作至上做打女

組合Bro5成員Dominic(何浩文)與模Hidy(余曉彤)蛇年作大膽嘗試,Dominic High爆做「姦角」,Hidy則因去年家中出問題而停工,議定的婚期亦被迫押後,她現以工作為重,勇闖影壇做打女!

新一年,Dominic與Hidy齊齊作大突破,Dominic除重投歌壇兼單飛外,主攻電影的兩人更分別挑戰「姦角」及打女!正在拍攝新片《第一次不是你》的Dominic說:「一直都拍好陽光嘅角色,今次終於有得做斯文敗類,仲有強暴女仔嘅戲,因為我一直都恨做奸角!(有向女友糖妹(Candy)備案?)有,雖然佢體諒,但之前拍《喜愛夜蒲2》都有唔開心。(少接親熱戲?)對男人嚟講有工作先有收入、生活,先可負擔到另一半,所以我一定以工作行先。」

問到會否帶女友見家長?他笑說:「夾到時間就會拉埋佢食飯,我啲表哥、表姐都鍾意Candy,我哋拍咗拖差唔多一年,唔使咁早住,來日方長。(賺夠就娶佢?)太早講啦!我唔會以結婚做拍拖前提,因為拍拖講感覺、信任,未了解對方個性就結婚會幾辛苦。」

婚期無限期押後

去年底Hidy宣布與男友訂婚,但至今仍未註冊擺酒,她坦言因去年發生很多問題,令婚期無限期押後:「其實訂婚係我Unexpected,一齊咁多年都希望佢係結婚對象,但係咪要行到呢一步,我仲細個、仲有好多機會。上年屋企發生好多事,我都成長咗好多,以前可能會為愛情放棄所有嘢,但依家會為自己做多啲嘢、專注喺工作上。我覺得結婚唔係最重要,唔一定要用結婚綁住,但佢好傳統,要早結婚生仔。(佢有唔開心?)係,所以要畀啲時間磨合吓。」問到兩人感情是否穩定時,她勉強表示Okay。

影視組

Hidy與Dominic希望於蛇年挑戰自己,作大突破。

Hidy因去年家中出現問題而被迫押後婚期。

Hidy和男友愛得甜蜜,去年底曾宣布訂婚。

Dominic於《喜愛夜蒲2》內與松岡李那有親密戲。