陶大宇探Bobby聽「耶穌」

藝人歐陽震華（Bobby）因急性肺炎住院留醫，太太傅潔嫻及經理人Lydia昨午繼續前來探望，太太還買了粥和腸粉給Bobby，惟他未有吃光！至下午二時許，當日負責送Bobby入院的陶大宇現身，他表示一直擔心對方的病情，但因連日身在內地做騷，故昨日返港即來探望。

約一小時後大宇步出病房接受訪問，他笑言Bobby講足45分鐘人生哲理：「佢狀態好好，我都冇機會插嘴，我叫佢對朋友好少少、對我好啲，冇錢要借畀我、冇飯開要請我食飯！（瘦咗？）係瘦咗啲，如果瘦到我咁，我咪幫佢拍埋啲戲，做埋佢替身，哈哈！」大宇透露探病期間，Bobby正做測試和做腳踏物理治療：「應該係想佢心肺功能好啲！」由於Bobby情況良好，其經理人Lydia表示Bobby會於今日出院，預計下月5、6日復工為無綫劇《情逆三世緣》拍廠景，4月才往佛山拍外景。