周家蔚呷乖仔醋 開口要天明錫

誕下兒子TJ未夠一個月的周家蔚與胡鴻鈞昨日出席商場活動，仍未收身的她上圍Cup數激增，故希望下月接拍纖體廣告能減掉35磅，她說：「我依家身材真係前所未有咁澎湃！不過我身體OK，加上呢排天氣好，屋企人都放心畀我出嚟！」她透露老爺洪金寶已為兒子改名洪大仁，雖然老公洪天明覺得名字「麻麻哋」，但依然對兒子疼愛有加，弄得家蔚非常呷醋：「佢成日話望住個仔好似望住自己，我都未見過佢眼神咁感觸，次次一返屋企就抱住阿仔係咁錫，搞到我忍唔住同佢講不如錫我啦！」

家蔚指天明已返回內地拍戲，她表示初時未有老公在旁較辛苦，但現在已習慣，還不時與下月臨盆的湯盈盈交流心得，惟她因奶水不足，故要以人奶及奶粉輪流餵兒子。