子丹身價暴升冼國林請唔起

冼國林師傅昨日與徒弟陳嘉桓（Rose）出席亞視「演藝訓練計劃」，年僅19歲的Rose笑言在一班亞視藝員面前只是「小朋友」，卻不介意分享前年在橫店發生的不快經歷：「我會同大家講吓點樣面對逆境，唔可以畀私人情緒影響工作。」她表示以前要自費每日練8小時功夫及唱歌，指亞視員工可以免費「進修」相當幸福！

曾投資電影《葉問》的冼師傅，踢爆甄子丹身價由接拍《葉問》時的300萬，飆升至4,000萬。亦有習該拳的冼師傅計劃開拍以師公劉湛及黃飛鴻為題材的洪拳電影，卻語帶雙關表示請唔起甄子丹：「我畀唔起4,000萬！我想搵黃秋生演黃飛鴻，佢係咁多個葉問版本演得最有宗師氣派，唔似甄子丹打到似殺手。」彈完子丹，冼師傅又寸爆現場的亞洲先生林睿戴太陽眼鏡上堂。