華姐(1)歐陽可心SM Look抄蔡依林

《2013國際中華小姐競選》候選佳麗昨日在將軍澳電視城以自選服裝進行拍攝，大部分佳麗穿連身裙或民族服裝，唯獨奧克蘭佳麗(1)歐陽可心一身黑色皮褸皮褲，SM味濃，令人嘩然！她受訪時強調不覺得服飾充滿SM味，其形象以間諜為主題，是根據蔡依林的特務J造型而設計，過往亦以該服裝作才藝表演。問到會否覺得搶了其他佳麗風頭？她說：「應該不會吧！都是發揮想像力。（覺唔覺自己打扮奇怪？）唔覺，可能有點突出吧！（有冇佳麗笑你？）沒有。」香港代表張名雅則大讚歐陽可心：「好有特色，但自己就唔敢咁誇張。」

而前來探班的師姐宋熙年大讚歐陽可心的SM造型前衞：「着衫可以表現到佢自己嘅性格，但自己覺得着衫應該簡單啲，太多嘢會遮咗自己嘅輪廓。（提點佢？）可能佢想突出自己，鬼妹仔或者鍾意型啲打扮。」張曦雯亦覺得歐陽可心着衫應配合場合。