美國返港即探望宣萱被窒冇手信

與Bobby合作無間的宣萱，剛由美國滑雪返港便趕往醫院探望！昨午3時半，她身穿運動服抵達醫院，逗留至6時半才離開。她指Bobby鼻有插喉，瘦了幾個圈：「佢康復得好好，仲識得講嘢窒我，話我冇帶手信仲又食又拎，不過佢個樣唔謝嘅。（提點佢飲食？）有呀！我有叫佢注意飲食同運動，畢竟大家都唔係十八廿二喇！遲啲我要去上海開工，希望出發前可以同佢食餐飯。」

而Bobby太太傅潔嫻指丈夫可以下床，胃口亦不錯；經理人Lydia則估計Bobby三、四日後便可出院：「佢依家去洗手間、沖涼都冇氣喘，只係有少少咳。」對於被指因「暴飲」而出事，她說：「酒精同肺炎無關，當日係飲咗啲酒，個人打側咗，一咳就濁親咁，佢應該冇溝酒！」