袁「醫生」收平安Call：佢話下次放腳趾

曾在劇集《On Call 36小時》飾演醫生的袁偉豪，今次勇救Bobby一命，可謂人生如戲！他昨日接受電話訪問時透露，年前考健身教練牌時學過心肺復甦，而Bobby出事時有點抽搐，情況很緊張！袁偉豪表示當時擔心Bobby抖不到氣，情急下放手指給他咬住，讓他可以呼吸，又曾為他扣喉，而對方亦有反應：「多嘅我都唔敢做，始終人命嚟o架！我哋都唔係飲咗好多酒，只係過年大家開心飲少少啫！Bobby有打番畀我，話冇事，佢仲識講笑，話下次救人唔好放手指，放腳趾喎！」