卿卿宣傳愛女陪跑激瘦

葉玉卿早前來港宣傳新片，愛女胡芷欣亦有來港陪伴媽咪並齊齊跑場宣傳，結果愛女因奔波勞碌兩日急瘦三磅，但卿卿卻視為最佳的親子活動，可讓女兒知道母親的辛勞！

葉玉卿早前為本報拍攝賀年照片，向大家拜年，此刻已身在紐約的卿卿，非常珍惜這次新片《2013我愛HK 恭囍發財》的宣傳之旅，因為可於香港感受農曆新年氣氛。對於志偉「撩」她拍劇，卿卿說：「我又唔係20出頭，竟然有人為我寫齣女人戲，有乜辦法唔心動？我硬住頭皮問老公，老公即刻話：『No Way！』所以推咗個劇。」

情人節謝票

卿卿為新片盡心盡力，落力宣傳，更不惜帶同愛女芷欣跑幾場，讓芷欣上了寶貴一課，她說：「我預咗兩日時間專誠宣傳呢套戲，幾乎冇得瞓，個女跟住我，兩日都瘦咗三磅，不過都好嘅，等佢知媽咪以前幾咁辛苦。」

另外，莊思敏、古明華和鄭欣宜亦有份演出該賀歲片，前晚情人節出動謝票，莊思敏坦言雖不乏追求者，但全部沒有行動，令她情人節沒有人陪Dry到爆！而欣宜對於最近「細細粒」陳嘉佳（小寶）人氣急升，更有指她似肥姐，她表示不認同，但大讚對方肥得可愛：「媽咪屬於Auntie級，小寶就活潑可愛，兩個各有特色。而我一肥就走晒樣，自己都覺得摟打，所以我一定要Keep住瘦。」