Juno戴庚玲含春避忌 Ana拖男友風騷任影
前日2．14情人節，不少明星都抽空與另一半拍拖撐枱腳，其中復合不久的麥浚龍（Juno）與中英混血模特兒戴庚玲（Janine）現身中環，但顯得避忌，甫見記者即彈開，Janine全程低頭甜笑，而Juno同樣嘴角含春，問他收到甚麼情人節禮物及是否好事近？他都笑而不答，記者笑問久未露面的他是否專注拍拖？他說：「唔係，啱啱先做完嘢！」但當問到有否恭喜有新戀情的舊愛鍾欣桐時，Juno即時封嘴，隨即與女友一同入電梯，還主動向記者揮手道別！
同場還有穿低胸裝的名模Ana R.與男友Brad，Ana甜笑透露男友送了花，又全程跟男友十指緊扣及擁抱，甜蜜滿瀉！問Brad可會趁佳節向女友求婚？他笑說：「今日唔會，遲啲你哋就知！」逗得在旁的Ana心花怒放！
雖然Juno和戴庚玲離行離列，但一樣笑得咁甜。
Ana與Brad十指緊扣，打風都打唔甩咁款。