朱晨麗敗將變冠軍

2011港姐冠軍朱晨麗，曾參選2006年亞姐網絡賽，並一度「失憶」忘記曾參選，對於今年有華姐師妹同樣曾參選亞姐，未知她會否以過來人身份「醒」師妹兩句？

另外，今日是農曆年初七「人日」，朱晨麗與林夏薇跟大廚學整迷你紙包雞及海鮮卷「賀壽」，朱晨麗今年第一次派利是，預算派4位數，希望派得多賺得多：「細個逗咗利是會收埋喺枕頭底等過年後先拆，不過有年唔見咗，原來係媽咪儲起咗，虛驚一場！」林夏薇則遵循家規過新年，由內到外都着到紅噹噹！