岑潔儀大個女做財神

藝人岑潔儀（Zoey）去年與老公Dixon結婚，今年首次以夫妻身份過年，當然要大派利是！Zoey自爆準備了6位數派利是，習慣收利是的她笑說：「第一年派利是，封畀屋企人大封啲！感覺好得意，好似真係『長大』咗。」

談到新年的節目，她指二月是別具意義的月份，因為她的生日跟情人節相近：「以前情人節會同生日一次過慶祝，今年仲有新年添！（老公有咩表示？）佢話會畀Surprise我，好似話會浸溫泉！」問到新年去旅行，會否有「避年」之嫌？她說：「我特登預早封好晒利是，一見朋友就派，之前幾乎日日都約咗朋友食團年飯，派定利是先！」