關心妍外遊博「生蛇」

關心妍（Jade）自下嫁老公楊長智後，一直想擁有兩人的愛情結晶品，可惜一路為歌唱事業打拚，令生仔計劃一拖再拖。Jade早前在各大頒獎禮完成後突然在微博宣布「唔再攞獎」，表明會努力造人，她透露趁蛇年與家人到熱帶地方旅行：「趁個肚未脹，叫老公幫我影番輯相留念。（順勢造人？）都會！其實每個月都好努力，聽中醫師講熱嘅地方好易懷孕，希望今次可以焗到個B出嚟。」Jade承認老公都有生仔壓力：「佢係家中獨仔，見到身邊咁多朋友做爸爸同媽咪，佢都想快啲。（生幾個？）暫時想生個女先。」雖然離港避年，但她仍會大方派利是：「如果大家喺街見到我，叫聲我『楊太』都會派利是。」