與「宅男女神」糖妹（黃山怡）蜜運中的Dominic（何浩文），日前到名牌首飾店揀禮物，打算趁情人節氹女友開心，更特地找來好友Hidy（余曉彤）做軍師。未有看中心水的他，轉戰花店揀玫瑰，見他拿着粉紅玫瑰左捽右捽，再與Hidy密密斟後即扑錘落訂。其後，他又拉着Hidy到超市買餸，揀完海鮮、牛扒又睇紅酒，似乎對下廚甚有心得，相信是準備為女友炮製愛心大餐；反而Hidy毫無頭緒，邊行邊問學做「煮飯婆」，難怪糖妹曾自言找到好歸宿！
Dominic與Hidy到超市揀海鮮，準備為糖妹煮大餐。
糖妹
Dominic試食時順手餵埋Hidy，小心被糖妹扭耳仔！
揀首飾時，Hidy給予不少意見，可惜Dominic最終零收穫。
