Bobby的經理人指他食得太急而引致急性肺炎，家庭醫生關嘉美說：「如果食得太多，有可能『落錯格』，將食物落錯去支氣管，然後入肺部，咁就會有急性肺炎！而如果飲得太醉唔識向前嘔，嘔吐物就有機會積咗喺氣管同肺，身邊人如果由得佢平躺，情況會好嚴重，可能會變成肺部衰竭甚至致命。」而患者送院後插喉，乃急救之法，幫助呼吸。