阿Sa蜜遊任影唔嬲

Twins今年只有數日新春假期，但成員蔡卓妍（阿Sa）表示無懼記者偷拍，會跟男友外遊，免得浪費假期。而鍾欣桐（阿嬌）則投訴假期太短，所以決定跟韓籍男友留港度歲！

人氣組合Twins工作一向忙碌，整年的工作行程都排得密密麻麻，每年只有新春期間才可以放假充電，兩人通常都會選擇外遊。適逢今年蜜運成功，阿嬌本可跟韓籍新歡度過一個甜蜜的新年，可惜因工作關係，假期有限，加上新春屬旅遊旺季，即使想跟男友到韓國亦沒有機位！她不禁大呻：「太短時間，去邊度都Book唔切啦！」

「唔好浪費個假期」

相反，蔡卓妍（阿Sa）則進取得多！她滿腹旅遊大計，自言最想到歐洲旅行，即使只有幾天假期，外遊的心情都依然未有減退！她說：「難得有幾日，雖然冇咩選擇，但近近哋都會照去，唔好浪費個假期。」問到與男友陳偉霆（William）外遊，可擔心會成為記者的偷拍目標？她大方地說：「冇所謂啦！得嗰幾日唔通唔去咩！」

如無意外，阿嬌將會和男友留港度新春，她表示尚未計劃會如何度過假期：「老實講，其實香港我都唔係好識路，都唔知道帶佢去邊度好！」她透露假期可能會到朋友家中拜年，問到會否順便發新年財？她表示較早前已經跟男友到過拉斯維加斯。再問到有否斬獲時，她說：「有贏有輸啦!」