憑《老表，你好嘢》帶挈，萬綺雯（蚊蚊）人氣急升，據知其廣告酬金已由六位數飆升至七位數，更有逾十個廣告商向她叩門！對於身價三級跳，她說：「其實我同經理人已有默契，將呢啲嘢交晒畀佢，係咪咁多嘢做真係唔知，但我會以寧缺莫濫嘅宗旨接工作！」提到初三赤口，蚊蚊自嘲轉數慢：「如果有人撩我嗌交，我會合埋把口，而且我會咪咪嘴笑，人哋都唔好意思再鬧啦！」至於《老》劇其他演員「細細粒」陳嘉佳、「聶小茜」陳明恩、王菀之及張繼聰亦因該劇帶挈而工作不斷，密密吸金！