祖藍有望爭視帝

三屆視帝黎耀祥日前獲麥玲玲鐵批今年有機會食「大四喜」！但半路殺出入行近十年的王祖藍，有望憑民意衝擊祥仔奪視帝寶座，挑戰無綫一哥地位！

王祖藍因劇集《老表，你好嘢！》成功彈起，他與同劇演員萬綺雯（蚊蚊）為應年初三「赤口」，齊齊鬥氣搞氣氛！劇集除了捧紅多位新人外，在劇中飾演新移民「蔡芯」的祖藍，演技同樣備受讚賞，大有機會於今年台慶升呢問鼎視帝！適逢堪輿學家麥玲玲日前亦批黎耀祥的個人運及事業運均大旺，有望第四度衝擊視帝！對於有望問鼎視帝，祖藍謙虛地說：「多謝大家畀面，祥仔太犀利，唔敢同佢硬碰！我反而唔係最想攞視帝，而係套劇可以攞最佳劇集，皆大歡喜！」

貴為三屆視帝的祥仔暫時接拍了兩部劇集，包括《傳愛事務所》及《巾幗梟雄之諜血長天》，檔期已排到今年7月，他將會到中山及佛山等地拍攝《巾》劇。對於能否再封視帝，祥仔表示隨緣，想太多亦於事無補。至於近年無綫小生拍內地劇賺到盆滿缽滿，未拍過內地劇的他反而並不太恨拍：「我唔特別強求，我慣咗無綫嘅拍劇方式，內地劇雖然價錢多啲，但係天氣、文化同我哋唔同，可能到時飲食方面會唔慣。」

想同李亞男生仔

而受《老》劇熱潮影響，祖藍透露有內地劇及電影與他斟洽，酬勞更高達十八萬元人民幣一集！事業愛情兩得意的他，與前華姐女友李亞男感情穩定，昨日李亞男於微博上載祖藍姪女BB的照片，祖藍即打趣暗示想跟她生BB。