鍾嘉欣學韓文溝池誠

無綫花旦胡杏兒和鍾嘉欣去年事業均大豐收，「工作狂」杏兒嫌一年365日唔夠使，又稱要買桃花催谷人緣。嘉欣則最開心獲封「BB」，更盼望學好韓文，與偶像池誠合作拍愛情片。

鍾嘉欣和胡杏兒早前到首爾錄影節目時，趁機在韓國街頭影賀年照。談到蛇年願望，杏兒希望工作順利。本月底將開拍新劇《巾幗梟雄之諜血長天》，對她來說該劇有很大挑戰性，故她希望能做好角色。問到去年甩拖的杏兒會否買桃花？她說：「以前有買開桃花，近年好忙都有去買，依家都需要買，因為桃花都有講人緣。」有份參演《衝上雲霄II》及《戀愛季節》的杏兒，指去年過得很平穩。自稱愛工作的她又覺得一年365多日都不夠用：「內地劇都有搵我演，但希望可以搵到自己鍾意嘅角色。」

樂做BB

獲封「嘉欣BB」的嘉欣坦言去年是入行8年來最豐收，除當上廣告天后外，更多了「BB」這個稱號，她笑說：「好開心，因為『BB』呢個名好親民，出街都多咗人認同。」自爆最愛韓國演員池誠的嘉欣，又盼望蛇年能學多國語言：「希望TVB多啲同韓國合作，我好鍾意池誠扮演失憶嗰個角色，我都好想演，希望有機會可以同佢拍浪漫愛情片啦！」