阿嬌勤學韓文冧男友

組合Twins、草蜢及洪卓立前晚出席倒數迎新歲活動，與粉絲大玩遊戲，當司儀問到Twins有甚麼新年願望時，鍾欣桐（阿嬌）表示希望學外語，蔡卓妍（阿Sa）即爆料說是韓文，阿嬌聞後甜笑。問到阿嬌是否想學韓文與韓籍男友加強溝通？她說：「我同男朋友平時溝通用英文，但都想同佢屋企人溝通好啲。」問到會如何度過情人節時，她笑說：「會有飯食啩！（會有驚喜？）過咗話你知，我已經送咗禮物，但佢仲未送。」而有傳阿Sa與男友陳偉霆（William）冷戰，她笑說：「是但啦，不嬲都唔想感情同工作有牽連，佢（馬天佑）都有女朋友，我哋睇完都覺得好笑，同埋嗰日都仲有其他人。」再追問與William是否仍在一起？阿Sa微微點頭，證明感情仍然穩定。

而洪卓立（Ken）日前被《好報》影到與緋聞女友湯怡鬼祟拍拖，他說：「有親暱動作都算正常，唔係淨係拍拖先會做。（會到湯怡屋企拜年？）我哋會成班人一齊去。」他又自爆初四會與湯怡同台合唱，問到會否拖手合唱？Ken笑言視乎氣氛。同場的草蜢表示新年會狂食年糕，因為多Quota，又希望會有更多桃花，代表人緣好。