李蘊唔信力宏打人：係咪夾定？

對於舊愛劉謙涉被王力宏掌摑，李蘊得悉事件後急劃清界線，並驚訝地說：「係咪真o架？我唔係好相信，我心目中嘅王力宏好斯文。件事係咪夾定？抑或係一場誤會？不如你哋搞清楚先。」

當提及劉謙時，李蘊極為抗拒：「我哋冇聯絡好耐，唔方便講佢，佢嘅嘢唔關我事！」而她前晚與李曼筠擔任魔術匯演嘉賓，問到有否向舊愛偷師，李蘊即詐傻：「以前嘅嘢唔記得晒！」因其金融才俊男友羅章冠新年不在港，她稱會留待情人節才過二人世界。