娜姐6位數派街坊

性感女神周秀娜於龍年斬斷6年情絲，蛇年重新開始，感情未有着落，率先變身財神，加碼準備6位數大派利是！她表示新年享受家庭樂，不愁寂寞，但她希望蛇年有着落，笑言最好有型男金城武做伴侶！

周秀娜（娜姐）早前公開宣布與拍拖6年的髮型師陳偉成（Avis）分手，期間爆出男方不忠的傳聞，哄動全城！雖然入行後首次單身過農曆新年，幸娜姐不愁寂寞，更趁假期與家人歡度：「新年唔會寂寞o架喎！同屋企人過係最開心、最舒服！」今日大年初二，她趁機跟大家拜年，希望人人蛇年行大運！告別龍年，她亦不願再多談舊愛︰「過咗去嘅嘢唔會再理！」她笑言接受各方男士追求，除了情傾靚仔外，最緊要有味道：「我經常話要金城武做我老公，佢太吸引喇！唔知有冇機會實現呢？」

代言內衣賺百萬

身為內衣品牌股東之一的娜姐，去年密密吸金，單是親自代言內衣已進帳逾百萬元人仔，為慰勞一班同事，她會Call齊手足大派利是！另外，她亦加碼準備大疊利是「派街坊」，希望派到近6位數，她笑說：「只要新年期間發現我嘅行蹤，粉絲我都會照派！」認真豪爽！

對於今年是否過肥年？娜姐坦言未有理會實際搵多少，因財政大權交給哥哥負責︰「我人就瘦咗，其實我都唔係好清楚搵幾多，財政向來都係哥哥理！（蛇年會唔會增肥，令其雙峰升Cup？）如果喺屋企就會肥，我成日唔喺屋企，所以一返到屋企就會有好多嘢食！不過我唔會刻意去增，因為我非常鍾意依家個身形！」

渴望放假陪家人

工作方面，娜姐的工作已排得密麻麻，過年後除了繼續拍攝與杜汶澤合作的新片外，緊接一套功夫電影！難怪提到新一年的願望，她坦言要物色新男友，更希望請一星期假叉電，留在家中陪伴家人：「其實我想放個假，因為之前不斷做嘢，想休息一下！不過我冇諗住去旅行，之前做嘢已經成日飛嚟飛去，反而冇乜機會留喺香港，所以我想留喺屋企休息！」