伊健孤伶伶賀蔡一傑生日

在日本秘婚的鄭伊健，日前低調出席草蜢成員蔡一傑的生日晚宴，但未有攜同太太蒙嘉慧（YoYo）出席，當晚眾人舉杯暢飲。而陳奕迅（Eason）跟林德信（林仔）、姜麗文等齊玩瑜伽補祝牛一。

鄭伊健趕做龍年新郎哥，上月底在日本跟蒙嘉慧秘婚，新婚後的伊健甚少露面，但日前畀面出席老友草蜢成員蔡一傑的生日會，不過當晚伊健未有帶同新婚太太YoYo同行。大前日是傑仔46歲生日，每年生日他都愛與好友慶祝，當晚除了伊健，還有好兄弟蔡一智、蘇志威、死黨張智霖（Chilam）、袁詠儀夫婦、黃佩霞及施南生等，眾人舉杯暢飲，慶祝傑仔牛一之餘，順道提早賀歲，傑仔事後在微博上載生日照，感謝好友賞面。

另一邊廂，壽星女姜麗文跟Eason、林仔及蔡穎恩吃生日飯，眾人更在微博大晒瑜伽甫士，姜麗文昨日接受電話訪問時說：「我同林仔、鍾一憲成班人成日去玩，但嗰日係我哋成班第一次約埋做瑜伽，咁啱Eason得閒咪一齊！」

Eason玩瑜伽冇難度

在美國曾當瑜伽導師的林仔，表現獲大家激讚，姜麗文說：「好多難度高嘅動作佢都做到！（Eason係咪做得最渣？）佢都好勁喎，可能教練喺大家身邊不停鞭策啦！」她還透露生日飯由Eason請客。