明日便是大年初一，名模陳嘉容（Eunis）到旺角花墟挑選年花，她向來也有逛年宵的習慣：「每年年三十晚，同家人食完團年飯之後會行，由細到大都會。」她表示愛買水仙和銀柳放在家，既有香味，又有意頭，更愛水仙和桃花：「最鍾意水仙嘅香味，而桃花因為我鍾意粉紅色，而且又有助桃花運！其實唔止身邊伴侶，Fans都會因桃花運而影響。」問到家中可有擺放桃花樹？她稱家中不夠空間，卻換來一盆盆桔：「桔，唔單止睇到醒神，過年後屋企人會摘嚟浸鹹柑桔，醫治喉嚨痛，一舉兩得。」
陳嘉容到花墟揀心水年花過年。
