羅仲謙口餵梁靖琪嗒「糖」

羅仲謙昨日為宣傳新劇，親口餵梁靖琪食棉花糖；徐子珊則當場跪下向吳卓羲求婚，相當浪漫！而馬國明亦從後擁抱吳業坤一起跳騎馬舞，玩得不亦樂乎！

新劇《戀愛季節》一班演員昨日到商場宣傳，羅仲謙被安排與梁靖琪在同一呼拉圈中以口餵棉花糖，二人下身不停搖動作狀玩呼拉圈，梁靖琪更興奮得不停拍打謙仔胸口笑不攏嘴。徐子珊與吳卓羲則互相跪下向對方求婚，相當浪漫！最重口味莫過於馬國明從後擁抱吳業坤跳騎馬舞，全場爆笑！

羅仲謙透露去年工作量和收入是入行後最好的一年，今年會封五位數字利是。對於前女友傅穎另簽台灣新公司，他說：「係好事！台灣係一個大市場，祝佢發展順利。」吳卓羲則否認與女星唐嫣的緋聞：「咪講笑啦！人哋有男友邱澤嘛！佢係靚女又開朗，但唔係我杯茶。」對於好友林峯公開戀情，他說：「離晒譜都唔介紹我識，恭喜佢！（你都公開？）如果有，都會嘅，都唔細啦！拍拖正常事。」而徐子珊則說：「最緊要佢開心。」提到有傳她在新劇《神槍狙擊2013》中與周海媚爭戲份，她說：「有機會同周海媚合作已經好開心啦！路人甲乙丙都做啦！咁難得！佢仲成日教我嘢，係個好前輩。」

賈曉晨自爆「同居」

同場的賈曉晨指男友樊少皇已返港並住在其居所：「情人節會一齊過，多咗時間見到佢已經好開心滿足。（想收戒指？）好大件事喎！（求婚已有準備？）睇吓到時心情啦。」她又否認登台時遇到客人要求「上房等」的報道：「都冇咁嘅事，作出嚟嘅。所謂個客人係工作人員嚟！」