楊汀叮求桃花運即靈

藝人楊汀叮與好友白健恩（小白）早前到旺角行花市被途人認出，要求合照兼大嗌小白劇中角色「邦少」。當日細心挑選桃花的汀叮率小白圍着桃花兜圈行大運，習慣新年買桃花催運的她勁施冧功向老闆撚價：「你都唔想我嫁唔出o架？」最終殺價成功，她興奮地說：「呢行需要旺桃花，希望蛇年有正桃花，依家有人追，但留意吓先，我唔係咁易同人撻着！（擇偶條件？）好似小白咁靚仔、細心同錫家人。」小白即自稱「中晒」！他盼與汀叮合作拍戲，問到會否抗拒再演奸角？他說：「冇所謂，最緊要有得發揮。」稍後他將推出情人節新歌向歌影視發展。