何思諺過年靠仔幫補

今年首次與囝囝杜杜過年的何思諺（Leanne），日前到旺角花墟買年花，並跟花店老闆賴先生學鎅水仙花球。未知是否家務一向交由老公、樂隊Mr.成員Tom負責，見Leanne有點雞手鴨腳，花了近15分鐘才成功鎅好一個花球，她說︰「真係好特別，原來鎅開後個水仙會生得靚啲，有好多學問！」

她打算帶同囝囝到老公新開設的打鼓學校過年，並已準備5位數字利是：「上年準備咗5位數字利是，今年都係啦！已經有好多朋友同我講定要我派畀佢哋，不過唔覺得肉赤，因為今年有杜杜幫我哋分擔，收番啲利是返嚟！」

提到囝囝首次拜年逗利是，Leanne笑言已為他準備好戰衣，但囝囝很有性格，非常抗拒外婆買給他的帽，Leanna笑說︰「真係好搞笑！我媽咪喺北京幫佢買咗頂帽，諗住畀佢新年戴，係一頂後面有辮嘅皇帝帽，但杜杜戴親都唔鍾意，即刻除番，真反叛，我諗佢唔鍾意條辮啦！」她還透露囝囝雖未懂說話，但已學懂做「請請」手勢去逗利是。