陳宛蔚桃花唔嫌多

前無綫藝員陳宛蔚（Calinda）及麥子樂（Bryant）過檔香港電視，早前到大埔林村許願樹拋寶牒祈福，並高呼：「希望HKTV發牌成功！」有男友陪伴的Calinda居然想增添桃花，而Bryant則笑說：「我同阿佘點會有可能！」

導演錢國偉女友陳宛蔚（Calinda）及憑劇集《雷霆掃毒》飾演徐子珊「弱智細佬」而為人熟悉的麥子樂（Bryant），早前趁新年前，相約到大埔林村拋寶牒，去年由無綫轉投香港電視（HKTV）的二人一致希望：「HKTV發牌成功！」提到新年公司有飯敍及抽獎，他們即賣口乖，Calinda說：「王生（王維基）好大方，每次聚會都會有抽獎，令員工好開心、士氣都好高，雖然我仲未中過，但我覺得發牌仲開心過中獎。」Bryant亦說：「王生直頭同我哋打成一片，雖然佢係老闆，但同員工好似朋友咁，所以喺佢公司做嘢嘅人都好開心。」

唔擔心男友被女圍

Calinda雖是首次拋寶牒，但手法比Bryant純熟，她說：「屋企人過時過節都會帶我去拜神、攝太歲，我做呢行對呢樣嘢仲緊張過爹哋媽咪。（有買桃花？）冇，因為本身都有，但多啲都唔緊要。」問到何時到她派利是？她即詐傻扮懵說：「派咩利是？我鍾意收多啲，哈哈！（冇計劃結婚？）呢啲等天安排囉！嚟到新公司想發展事業先，感情事拋諸腦後。」提到男友身邊多女圍會否擔心時，Calinda笑說：「大家影唔到，其實我都有好多仔喺後面！（放心佢？）佢放心我時，我都好放心佢。」

Bryant表示有師傅指他蛇年運程好，下月將拍家庭倫理劇的他，更獲安排做重要角色。對於與視為「家姐」的佘詩曼傳緋聞，他說：「點會有可能呀！我哋關係Close好多人都知，佢哋聽到都笑。阿佘有Send短訊畀我，叫我要預吓呢啲嘢。（依家見面會避忌？）會少啲一齊出去，係咪衰呢搞到咁！」