農曆新年將至，江若琳（Elanne）為催旺桃花，日前親自到花店揀花，更自爆恨行桃花運：「直頭恨到流口水啦，有時桃花唔一定係恨男朋友，都恨觀眾緣同人緣，想有貴人幫吓我。」入行後，原來Elanne身邊不斷有追求者，只可惜「神女無心」：「嗰啲都係假桃花，所以我冇接受到，仲等緊真嘅桃花出現。」
Elanne又大爆家鄉獨特的過年習俗：「我哋鄉下有個習慣，就係出嚟做嘢後唔可以收長輩利是，反而要準備一定金額派利是畀屋企人。（預算派幾錢？）至少都預咗五位數嚟孝敬老人家。」
密密搵銀的Elanne已預備五位數利是，夠豪氣！
江若琳開到口話恨「桃花」，大家識做啦！
