陳僖儀男友拖小三示威

歌手陳僖儀（Sita）在2012年相當豐收，除出碟兼做處女騷外，更在各大頒獎禮上勇奪多個獎項！Sita笑言今年不需要桃花旺，反而希望情傷，更自爆唱慘情歌時回想失戀的感覺，將歌曲演繹得更活靈活現！

歌手陳僖儀（Sita）在過去的四台頒獎禮上成績相當理想，最令人難忘的可算是在《十大勁歌金曲頒獎典禮》上勇奪「最受歡迎女新人金獎」時，喊到豬頭，泣不成聲，自認喊包的Sita笑說：「我份人好大起大落，啲舊同學仲笑我係咪撞咗邪！」

回顧去年，Sita大爆獻出了多個第一次，她說：「2012年有好多嘗試，出碟、開音樂會、拍電影、舞台劇等，令我吸收到好多經驗！」對於2013年的展望，她坦言有點壓力：「嚟緊再唔係新人，唔多唔少都有啲壓力，所以要學多啲嘢，例如跳舞同埋唱慘情題材以外嘅歌。」

最愛放煙花

農曆新年將至，Sita可想桃花運更旺？她笑說：「如果我要唱甜蜜情歌嘅時候，先要啦！」她又自揭戀愛秘密：「我每次唱慘情歌都會諗番以前拍拖經歷，好記得當時嘅男朋友勁Cool，去完外國讀書仲拖住第二個返嚟，真係好激氣，媽媽都好唔鍾意佢。但係因為有呢啲經歷，先可以將慘情歌演繹得更好！」

另外，Sita表示每逢新年都會到澳門拜年，母親最愛用DV拍下她放煙花的情景，有次更掛住望鏡頭，誤將煙花倒轉射，相當爆笑！