葉玉卿嫌唔夠喉志偉阿倫氹再演戲

藝人葉玉卿、譚詠麟和曾志偉在賀歲片《2013我愛HK恭囍發財》中發放笑彈，不過卿姐卻嫌唔夠喉：「我嫌戲少，有啲可惜，初頭諗住返嚟玩，行行企企都冇所謂，睇咗劇本咁簡單仲開心，但後尾又覺得唔可以，唔係話要爭戲份，係唔過癮，返得嚟就要攞多啲嘢出嚟畀觀眾睇。」

卿姐要求加戲後，加插了與喬寶寶的印度版「擋不住的風情」，她說：「刻意性感就唔好，咁樣無厘頭搞吓笑就OK，其實都唔係好性感。」問到會否再過戲癮，她說：「其實係有戲癮嘅，之前話唔拍係衝動咗。」志偉說：「所以叫咗梁家樹一齊傾吓拍劇。」卿卿指拍劇雖然辛苦，但也享受過程，能否成事要與家人商量。阿倫則笑說：「同TVB約法三章，要求每日十個鐘瞓覺。」

卿姐回港拍賀歲片期間母親剛過身，為免影響大家拍攝喜劇的心情，當時也沒有透露半句。志偉說：「佢真係好堅強，成組人都好佩服佢。」卿姐說：「因為拍攝好趕，唔想影響到大家，加上媽媽年紀大，已經做好心理準備。」