白健恩尷尬講緋聞

資深藝員張國強（KK）昨日與白健恩為保健品牌衍生拍攝平面廣告，問白健恩新年會否到緋聞女友莊思敏家拜年，他尷尬地說：「通常同親戚拜年，同朋友去街就要再約。（佢話單身過情人節？）佢點會冇人約？我都會問吓佢。（發展可能？）唔會Say No。（公司贊成你哋拍拖？）都要思敏鍾意先得。」而已是第二年擔任此品牌代言人的KK說：「好多衍生員工都鍾意踢波，如果佢哋組隊慈善足球隊，我諗住做教練，但大部分係女仔，我未試過教女仔，玩吓都OK。」他又力撐劇集《初五啟市錄》：「好似愈來愈多人睇。（你同葉翠翠親熱戲後多人睇？）哈哈，佢同楊明就玉帛相見，（我嗰場）蝕咗添！」