BIG FOUR鬥攝位賀年

由梁漢文、蘇永康（阿公）、張衞健（Dicky）等人組成的BIG FOUR日前為本周六開鑼的《THE BIG FOUR 大家利事世界巡迴演唱會2013》拍攝賀年宣傳照，Dicky發揮百厭本色假扮攝影師，命令隊友Chok甫士。拍攝時，他又以揮春遮擋阿公，作狀爭位，阿公亦不甘示弱，以太極推手還擊。Dicky接着說：「其實我哋都係第一次喺新年期間開騷，呢個時間其實都幾適合我，因為平時我哋走埋一齊就有好多笑聲。」阿公又指大年初五可與大家一起慶祝情人節：「可以同萬幾人一齊慶祝都幾開心。」