Crystal韓國追星痛失萬五蚊

女子組合HotCha成員Crystal早前到韓國欣賞人氣組合Big Bang的演唱會，翌日更幸運地在街頭一睹成員T.O.P風采！不過，興奮莫名的她打算拍照向友人「晒命」時，赫然發現銀包及手機不翼而飛，合共損失15,000港元，結果痛哭了整整2個小時！

早前Crystal在港欣賞Big Bang演唱會，意猶未盡的她相約歌手好友鄧穎芝專程飛往韓國，再度欣賞偶像演出，更說：「去韓國睇Big Bang演唱會仲平過香港，都係千幾蚊一張飛，香港要成千八蚊一張o架！」演唱會翌日，她展開瘋狂購物之旅，期間竟發現明星保母車！她抱碰運氣心態上前「八卦」，豈料車中人竟是Big Bang成員T.O.P，她興奮地說：「嘩！雖然睇到佢真人一秒，但我都High到喺街度大嗌！」

身無分文向父求救

她隨即扲手機，打算拍下T.O.P光顧的餐廳，此時才發現手袋內的銀包及手機被偷走。事後，她大呻：「銀包有成八千蚊港幣，手機冇咗要賠七千，一共冇咗萬五蚊！我癲咗！」身無分文的她到當地警署報案時，忍不住狂哭2小時，並致電父親求匯款「救急」。她說：「我朋友安慰我：『咪當用萬幾蚊買機會見T.O.P真人一秒鐘！』我發晦氣問：『畀晒成副身家，偶像G-Dragon係咪會嫁我呀？』真係好嬲呀！今年新年要努力逗利是幫補吓！」