林子聰撐星爺唔孤寒
周星馳近年經常惹是非，不少曾跟他合作的舊拍檔都曾數落他，指星爺孤寒兼難相處，而星爺前愛將林子聰（肥仔聰）昨日則挺身護星爺，他說：「佢（指星爺）一向都係好惹是非，因為佢都唔鍾意出嚟反駁，啲人咪鍾意講佢。（星爺係咪好難相處？）我又唔覺，間唔中先見吓。（咁以前拍戲呢？）嗰陣時佢後生，當然會惡啲啦！依家佢都滿頭白髮，仲經常保持笑容。」肥仔聰亦指星爺絕不孤寒，跟對方食飯，從未要他找數。去年新年便派幾封利是，封封都千千聲，逗得他相當開心。問到肥仔聰會否建議星爺打小人避是非，他說：「都唔會，要打咪有排打，會好攰喎！唔使啦！」
