薛家燕豬籠入水 冇請「女婿」團年

藝人薛家燕上月中開始走埠登台掘金，上月15日到廣州參加春晚表演，翌日飛往三藩市一間賭場登台，然後順道出席姨甥在羅省舉行的婚宴，本月6日才返港。由於今年沒有年三十晚，她打算於年廿九食團年飯，並特地提早辦年貨。她早前到一間相熟而又有信譽的海味店購買鮑參翅肚，準備為全家炮製一頓豐富的團年飯，她表示兒女以往在外國讀書，要趁登台才能探望，幸好現已學成歸來。問到有否邀請「未來女婿」王梓軒食團年飯？她笑說：「我有問過個女係咪真係拍拖，個女一口就話佢冇拍拖，咁我仲點問落去？我知道王梓軒為人好好，好勤力，但十畫未有一撇，邊度有未來女婿？不如顧住自己先！李居明（風水大師）話我今年桃花大旺，叫我行年宵時買棵桃花返屋企擺，我諗住買棵大啲嘅，行番個桃花運！」