高海寧袋6,000蚊過肥年

無綫今日向全台藝員派大利是，全職合約藝員更可獲發6,000元！受惠的高海寧大讚此舉比政府派錢還要好，昨日更穿上性感紅裙出席活動輕騷事業線，又預告會與陳煒在賀年節目大跳火辣蛇舞，實行以行動回報公司！

無綫相隔十多年後再向藝員派發大利是，據悉全職與部頭合約藝員分別獲發6,000元與3,000元，有近千人受惠。無綫高層樂易玲說：「希望由今年開始，年年都有得派，多啲同事受惠。」首次獲發大利是的高海寧（高Ling）說：「好好彩有得過肥年！我自己都有封開利是，依家可以加多啲，慰勞工作人員。（6,000蚊多唔多？）梗係多啦！政府都係派6,000蚊，真係要多謝公司！」

唔怕咪神地位不保

她昨日穿上低胸紅裙出席商場活動，以「事業線」顯示其鬥心作回報！她透露將與陳煒在賀年節目一起「撚蛇」迎蛇年！對於煒哥過檔無綫後頻頻騷身材，她揚言不擔心「咪神」地位被搶：「大家路線唔同，煒哥比較有成熟韻味，我就o靚妹啲。最近我都喺兩部新劇扮演失婚婦人同女強人，希望畀到觀眾新鮮感！」談到港姐師妹劉倩婷豪嫁堪輿學家李丞責，她笑言緣分是「恨唔到」，又表示歡迎各位男士相約她過情人節，但謝絕「有心人」問價：「我未收過呢啲電話，就算有我都唔會理，我自己都搵到錢！做女仔要識得保護自己！」