林德信嗒松岡 阿Lam爆「唔只一個」

林子祥（阿Lam）與音樂人趙增熹前晚在會展結束一連兩晚的《絕對熹祥A Mix & Match Concert》，尾場獲太太葉蒨文、Lam媽與朱玲玲等捧場。阿Lam似乎未知乖仔林德信（Alex）與日模松岡李那傳撻着，談到他拖女過夜時，阿Lam即非常愕然，更似有所指地說：「我諗佢唔只一個朋友，你想釘死佢同一個都冇乜用啫！」至於Alex前晚在後台影完幾張相後便速速離去，未有接受訪問，昨日，他出席活動時否認有心迴避：「因為今朝要凌晨五點開工，所以尋晚好早就走咗。」他又與松岡口徑一致，指斷正當日尚有一大班朋友在旁：「佢上個禮拜生日，約咗成班Friend出嚟玩，咁啱又喺我屋企附近，之後咪成班Friend一齊上我屋企玩。」