祖兒台下伴舞Like爆 ！

關淑怡（Shirley）一向以靚聲見稱，故吸引不少圈中人睇騷，包括天后容祖兒、湯寶如、黃偉文、周汶錡及周麗淇兩姊妹等。祖兒對Shirley的演出讚不絕口：「我係特登去捧場，勁歌熱舞個Part好震撼，搞到我跟住嚟跳住唱！」而曾同唱片公司的湯寶如則笑言是Shirley的粉絲：「我當年參加歌唱比賽都係唱佢嘅歌，個騷好大膽，原來佢底線咁犀利！」並對Shirley趷起屁股被打一Part印象最深刻：「佢Wow得好正囉！佢都豁咗出去。」而向來Cool爆的Shirley亦突破形象，穿上黑紗公主傘裙添少女味！

而Shirley經理人Marianne透露，周慧敏（Vivian）於開騷前一晚為好友Shirley打點：「Vivian先一晚陪Shirley綵排到好夜先走，第一場因為Vivian有事嚟唔到，但今晚（即昨晚）就會早啲到，睇吓有咩要幫手。」