王璐瑤「泰」驚水「Sir」滑梯都浸親

o靚模王璐瑤（Lulu）自從與余文樂的情慾短訊曝光後人氣急升勁多Job，努力搵錢後，Lulu日前忙裏偷閒，跟朋友到泰國布吉旅行。

一向不吝嗇美好身段的Lulu，在泰國以水着示人，但原來她不懂游泳。難得到訪以陽光與海灘聞名的布吉，不諳水性的她忍不住落水，卻不幸兩度遇溺，認真可憐！

Lulu憶述當時情況，仍猶有餘悸的說：「第一次浸親喺水上樂園，玩完滑梯插落水嗰下，因為啲水太深，我上唔番嚟，要救生員救我！」她表示以前從未試過浸親，今次是第一次，怎料一不離二：「第二次喺沙灘，我已經唔敢落水，坐咗喺沙灘，點知潮漲有一個大浪冚過嚟，捲咗我落水，好彩朋友即刻拉番我上岸！」

此外，Lulu還欣賞了人妖騷，她笑言人妖表演非常緊貼潮流：「佢哋跳『Gangnam Style』，好潮！佢哋好靚呀！不過好濃妝。」