阿澤：係咪要畫番出嚟

杜汶澤、吳君如、薛凱琪（Fiona）及熊黛林等前晚出席賀歲片《百星酒店》首映禮，阿澤取笑穿束胸晚裝的Fiona「冇料到」，要以皮帶畫出線條。

前晚《海馬牌呈獻蛇年賀歲電影：百星酒店》舉行首映禮，除與林峯傳緋聞的吳千語因在內地拍劇缺席外，一眾演員均出席宣傳。不過千語昨晚卻在微博大呻緋聞遭熱炒的壓力，除指感到人格受傷害外，父母亦受牽連：「爸媽是無辜的！爸一直居澳洲，媽在香港跟親人同住！我可以無奈接受被誤會，但爸媽只是普通人，請不要傷害他們。」

吳君如早前曾表示杜汶澤及薛凱琪在片場十分嘈吵，阿澤前晚不斷狙擊在胸前掛了皮帶的Fiona，兩度取笑她：「係咪將啲冇嘅線條畫番出嚟？」未知是否不值阿澤指她冇料到，Fiona昨日即在微博發出與鄭中基的結婚劇照，谷出三吋事業線。

囡囡嫌君如似男仔

取笑完Fiona後，阿澤連吳君如也不放過，踢爆她當年「唔戴Bra」主持電台節目，又說：「睇佢前面都以為係背脊！」穿上斜膊低胸衫的君如聞言反擊：「我身材有目共睹！（爆番阿澤料？）係佢先咁鹹濕，成日留意女人身材！阿女都有問我點解有人大啲有人細啲。佢話我身材啱啱好，但又嫌我似男仔！」至於早前丁父憂的熊黛林沒有接受傳媒訪問，但仍在台上有講有笑。

此外，患胃癌的司馬燕亦有出席首映禮，支持教她氣功抗癌的黃百鳴夫婦，她透露下周會接受第四次化療。