Amanda S.收斂性感怕老公呷醋

影后葉德嫻及名模Amanda S.前晚一同出席珠寶品牌Van Cleef & Arpels呈獻的高級珠寶系列揭幕晚宴，獨自出現的Amanda穿上超性感黑色喱士Deep V裙，問她可有先讓老公過目？她笑說：「佢好忙唔得閒睇，不過佢唔會嬲，仲好Proud Of Me（為我自豪），因為我之前做Model佢都已經習慣！」話雖如此，婚後的她自言也會收斂一下，因為老公骨子裏也會呷醋，她說：「如果啲男人望一陣佢都OK，但試過有男人望成十分鐘，佢就覺得好誇張，同埋唔尊重佢，如果半分鐘就冇問題，佢覺得男人可以望女人，但要尊重隔籬個男人！」

而同場的葉德嫻抱恙擔任表演嘉賓，她指氣管敏感是拜從前吸煙所致：「係現眼報，以前食煙煙親人唔知，佗BB都有食，係衰媽咪，依家畀人煙番！」作為影后的她自爆看過《一代宗師》，大讚導演王家衛及男女主角梁朝偉與章子怡。問到想不想跟王家衛合作？她百無禁忌地說：「佢啲戲要拍幾年，我驚冇命拍！」