鄭伊健否認YoYo有喜

鄭伊健與陳小春近日喜事連連，分別宣布做老襯及老竇外，更有傳蒙嘉慧（YoYo）懷孕，昨日小春出席活動時大爆伊健恨生仔，但伊健否認老婆有喜，坦言暫未打算造人，又笑小春夠「周詳」！

剛與蒙嘉慧（YoYo）結婚的鄭伊健與宣布將榮升爸爸的陳小春，朱茵、杜汶澤、孫耀威及台灣藝人吳宗憲等，昨日現身澳門喜來登金沙城中心酒店，出席《「與星同賽」及紅地氈典禮》，眾星與粉絲大玩遊戲，其後又盛裝行紅地氈及打手印，伊健和小春更於比賽中勝出，每人贏得價值五萬元澳門幣的禮券，近日可謂旺到爆！席間，好友林曉峰在台上問伊健為何那麼快復工，他解釋要跟小春宣傳個唱，故要拍住上頻頻曝光，其後阿澤又嘲笑小春「一炮即中」！

被爆恨生B

事後，小春透露BB的中文名暫改為陳彼，英文名則交由太太諗。問到是否當老婆太上皇服侍？他說：「呢個係非常時期要忍讓吓，盡量想辦法令佢舒服啲。」至於想生仔或女？小春說：「第一胎就想要女，因為姐姐會照顧細佬多啲。」伊健聞言即大講有味笑話：「諗到咁長遠，唔怪得咁『周詳（長）』！」語畢二人便哈哈大笑。問到會否催伊健造人時，小春即大爆對方恨生B：「你又知佢冇？可能生咗先結婚呢！伊健都應該急。」

對於有傳老婆YoYo懷孕，伊健說：「實有呢啲傳聞。（佢心廣體胖？）佢好Fit喎。」提到吳君如欲介紹醫生讓他快生B，他笑說：「我咁健康使乜呀！不過我暫時未有呢個打算。」

而其結婚通知書日前曝光，他表示是預料之內，但表明不會公開何時註冊，記者指要三個月內註冊，他說：「可能到時再申請過。我哋冇選擇喺外地註冊，係想每件事分開、多啲回憶。」