羅鈞滿 機舖「鼓」神獎多多

近日每晚重播劇集《天與地》，劇中飾演少年版林保怡「鼓佬」的羅鈞滿（Moon），現實中不僅懂打鼓，還曾在歌唱、小提琴、田徑、籃球和足球比賽奪獎！儲了50多個獎杯及獎牌的他笑說：「我阿媽話呢啲係爛銅爛鐵，叫我掉咗佢，但我唔捨得！我中學時就係喺機舖玩跳舞機同打鼓機度過，我喺《天與地》要打鼓，都係喺機舖練番嚟。（冇學壞？）冇，衰衰哋都入到大學，不過中學時開始唔想返Office工，因為坐唔定。」熱愛唱歌的他又說：「我成日聽張學友啲歌，聽吓點樣呼吸、停頓。（做歌手？）我陰差陽錯下差啲做咗歌手，我有次喺Neway歌唱比賽攞冠軍，同我一齊參加嘅有HotCha嘅Regen，但因為我當時年少無知，覺得有更好選擇，所以冇簽約。」