岑麗香雙眼發炎頂硬上

男藝人羅仲謙及宅男女神岑麗香昨日出席活動，謙仔透露情人節要拍劇，或可與女友楊怡齊齊開工慶祝，並自爆想早日生BB！而眼睛發炎的香香雙眼通紅，但仍死撐出席活動，非常專業！

羅仲謙及岑麗香昨日到觀塘apm出席化妝品牌活動，謙仔在台上捉實香香的玉手示範新產品，大會其後推出蛋糕，預祝他們情人節快樂。問到情人節如何度過時，兩人表示要拍攝新劇《On Call 36小時II》，謙仔的女友楊怡正是該劇主角，他們豈不是可以一起慶祝？他尷尬地說：「仲有好多人！（準備禮物？）或者開工時食飯囉！啱啱開始係緊張啲！（啱啱開始拍拖？）拍劇呀！大家都好期待，我憑呢個角色第一次有獎，希望再有突破！」提到上一代「浩南哥」鄭伊健已婚，何時會輪到飾演「新一代陳浩南」的他？他說：「依家冇諗喇！但我都想早啲有小朋友，唔想第時揸住拐杖同佢玩。（問過阿怡？）係我自己意願咋！」

祈禱醫敏感

而香香雙眼紅腫，更不時流眼水，她表示前日化妝的地方附近裝修，天拿水令雙眼敏感發炎：「想去睇急症，但最後同基督教朋友一齊祈禱。（搵個男仔照顧？）唔一定要男仔，友情已經好滿足，唔舒服嘅時候最想係家人嘅愛。」