舊愛胡定欣玩閃婚 馬國明：冇咁快啩！

「男神」馬國明自去年演出《On Call 36小時II》後密密吸金，昨日出席一個名車活動後，坦言也有換車衝動，「筍盤」豈不再升值？他笑說：「乜女仔唔係鍾意跑車多啲咩？我想換部七人車，可以方便載埋屋企人，冇諗係咪會筍！」他自言感情仍未有着落，相反舊愛胡定欣日前透露不排除與男友Patt閃婚！馬國明聞言大方祝福，他說：「冇聽佢提過，係就恭喜佢搵到個可以照顧佢嘅男人，但我諗佢冇咁快結婚住啩！佢喺娛樂圈仲有好多發展空間。（你有冇閃婚衝動？）我連對象都未有，係都搵錢先啦！（有屋仔先有女仔？）都係o架！冇屋冇安全感，不過我睇中嘅樓都非常貴，希望個市回一回！」