譚小環豪宴賀老公牛一

前港姐冠軍譚小環日前為金融才俊老公Eric慶祝生日，更豪花五位數包底，與老公同事夾份買名錶做神秘禮物，更請來好友上山詩鈉、戴思聰老婆、戴辛尉等為老公慶祝，令Eric喜出望外。婚後，小環即「疊埋心水」專心做少奶奶，不時和老公周遊列國享受人生，食好住好令她發福不少，更被老公取笑，她說：「以前淨喺掛住做嘢，試過拍劇超過廿個鐘，自從結婚後，老公叫我唔好再咁辛苦，所以放低工作同佢去旅行，個人都重咗，仲畀老公笑我有福相。」她透露農曆新年會與老公到日本過白色新年，十分識歎！