陳柏宇遭女友嫌短

陳柏宇（Jason）最近為「魔童」王維基拍劇，得悉四大唱片公司與無綫有望破冰，他也想上TVB唱兩嘴，但礙於合約關係，擔心冇份。Jason又大爆最近被女友指他「短」，林奕匡亦不留情面加多腳：「你女朋友嫌你短呀！」

陳柏宇（Jason）日前以大師兄身份，偕同師弟妹舉行酒吧騷，現場有近百名粉絲撐場，塞爆整間酒吧，非常熱鬧！問到公司突然多了幾名新人，可會感到威脅？大師兄Jason說：「唔驚，大家嘅音樂方向都唔同，作品又唔同。」可擔心資源被分薄？充滿信心的他說：「呢啲嘢，唔係話人多就會分少咗嘅！」

盼發電視牌

談到轉換新髮型，Jason說：「髮型師重手咗。（女友符曉薇鍾唔鍾意？）我有自拍畀女朋友睇，佢只係覆咗句『好短』，又冇話鍾意唔鍾意嘅！」在旁的林奕匡則大講黃色笑話說：「你女友嫌你短呀！」說罷兩人相視狂笑。

提及有傳無綫跟四大唱片公司有望破冰，Jason說：「呢件事都講咗好耐喇！我都冇再投放感情入去。」但他卻反問記者：「呢個傳聞堅o架？（你好恨上TVB咩？）能夠畀歌手喺唔同平台聽到自己嘅歌，都係好事嚟嘅！」不過，早前替無綫對家王維基拍劇的Jason則明顯有隱憂：「我同王維基係Project形式拍劇，應該唔會影響到啩！不過我都No Say嘅！」他又坦言希望香港電視能盡快獲得發牌，好讓自己的作品能夠登上「公仔箱」。