林穎彤樣衰嚇煞思捷

無綫女藝員林穎彤（Bella）早前為新劇《法網囂雄》扮醜女，畫花塊面之餘，更特別訂造假牙「扮倒及」，認真大犧牲！雖然劇中她試過整容，但最後失敗兼被騙財，她笑言初時也不能接受自己的「醜相」：「郭晉安叫我扮得有咁醜得咁醜，之後都豁出去，覺得好好玩！不過，戴咗副假牙之後勁流口水，又要早晚帶返屋企勁刷，拍得耐都要吐出嚟抹抹，搞到李思捷都笑話對我冇晒遐想！」對於扮醜冇男仔追，她笑說：「唔會啩？不過佢哋叫我戴住副假牙去識男仔，如果識到就代表真心！」她更打算於萬聖節「循環再用」其假牙出街。