毛舜筠挑戰影后寶座

毛舜筠（毛姐）與吳君如、鄭中基合演賀歲片《百星酒店》放笑彈，幾位星級爸媽戲外大談湊女經，冷落了平日「把口唔停」的杜汶澤。家庭至上的毛姐也渴望一嘗影后滋味，期望在蛇年拍得好片一擊即中。

毛舜筠與吳君如相隔19年再度合作，毛姐坦言當年「冇偈傾」：「後生時拍完戲就走冇乜傾偈，依家做咗媽媽就有講唔完嘅話題，君如仲帶埋DVD同我哋成班女演員、助手做運動。」已為人父的鄭中基也有一起研究湊女經，唯獨一向滔滔不絕的杜汶澤未能插口。毛姐說：「阿澤戲內戲外一樣好多嘢講，對每件事都有自己睇法，不過講到湊女，佢就冇加入喇！」

食飯分享感受

談到毛姐的賀歲片經典場面，必數《家有囍事》與哥哥張國榮打麻雀一幕。毛姐回憶：「我哋大部分友情歲月都喺麻雀枱度過。哥哥好聰明，打慢啲都拎住把牌尺催我哋，過年嗰陣可以打足七日七夜。」轉眼哥哥離世10年，毛姐一直將他記在心中。隨着兩個女兒長大，她把打牌時間也奉獻給家庭：「我哋食飯連電視都唔開，大女提出每人Share當日有乜開心唔開心。依家佢哋會問我邊個男仔靚仔、應該幾多歲拍拖，但暫時未有感情煩惱。」樂當賢妻良母的毛姐無意增產，但也渴望挑戰影后寶座：「拍多幾部唔一定攞獎，最緊要一擊即中。我冇乜角色特別恨演，等各位導演畀咩我發揮。」